SANYOG VICTORIAS PARA MASANAG NGA BUAS DAMLAG

Sa kay Governor Bong Lacson

Vice Governor Jeffrey Ferrer

Board Member Manman Kho, Board Member Andrew Montelibano, Board Member Ryan Gamboa, Board Member Juvy Pepello

Congressman Stephen ‘Karaps’ Paduano

Mayor Wantan Palanca, Mayor Marvin Malacon, Mayor Neil Lizares, Mayor Gerry Rojas, Mayor Mark Golez

ABC President and Councilor RJ Sablan

SK Federation President and Councilor Sheena Bagaforo

Out-going Councilor Boy Montinola and Councilor Dony Galinato

Sa tanan nga mga Barangay Captains kag Barangay Officials sang Victorias, sa tanan nga mga SK Chairs kag SK Officials

Sa tanan nga mga elected officials sang third district nga upod naton subong
Sa mga national agency representatives, religious leaders

Sa tanan nga mga department heads and city employees

Media friends

Friends from the private sector and business community,

Sa tanan nga mga marginalized sector representatives

Sa mga nagalantaw sa aton Facebook live streaming – kamusta kamo dira, I hope ok ang aton signal subong

Kag sa tanan nga mga pinalangga ko nga mga Victoriahanon

Maayong Gab-i sa inyo tanan!

To my father who now has a billion more problems in Bacolod, former Congressman and now Mayor Albee Benitez – thank you for showing us the way.

To my ever supportive uncle Congressman Kiko Benitez, thank you for adding light to the way.

I consider you both my idols and life mentors in this journey.

To the wife of the man who has a billion more problems in Bacolod – my mother, Nikki Cares herself, you have been a constant source of encouragement and inspiration in this new life I chose.

To my sister, the new graduate who will be working in New York soon, I know you’ll be just a call away.

To my family, thank you for the unconditional love and undying support.

To the Bantug clan, because of the legacy you left behind, I know I’m now standing on the shoulders of giants.

To the Lopez Family, thank you for flying over to join us here today.

To Inday Sue, kabalo ko daku ang i-sakripisyo naton, pero nagapasalamat ko sa imo nga pag-intyendi kag pagpalangga. Layo man ta sa isa kag isa, pero siling gani nila, mas kita nga magahidlawanay, mas kita nga magapalangga-anay.

I know I won’t be here without all of you – Salamat sa inyo tanan.

Yari na ang pagsidlak sang Masanag nga Buas Damlag sang Victorias!

Pero antes naton ululupod nga isulat ang bag-o nga kasaysayan sang Victorias, allow me to share with you kon paano nagsugod ining handum para sa mas masanyog nga Victorias sa akon balatyagon.

Indi gid man ini pang-telenovela pero suguran naton sang bata pa lang ako nga nagabakasyon diri sa Victorias.

When I was young, I have this notion nga ang Victorias is like a sacred place.
Kada-summer, gina-look forward ko ang pagbakasyon diri.

Diri sa Victorias ko lang una nga na-experience magka-pet sang gamay nga baboy.

Diri ko una na-experience magpamunit sang isda sa punong.

Nadumduman ko man ang paghampang ko diri sang football during my teen years.

Outside of Manila, Victorias is my childhood home. This became something important to me.

Sang nagpapili bilang inyo congressman si Mayor Albee, joining him sa campaign trail also gave me a chance to see how it is like to lead.

Being my mentor, my dad inspired me to join public service.

Isa sa mga rason nga nag-seryoso gid ‘ko sa pagtuon sang pang-gobyerno, amo nga sang una pa lang, nakita ko na ini nga panahon sang akon kabuhi – ang magserbisyo man sa mga pumuluyo.

Nag-eskwela ‘ko sang Political Science agud mas ma-intyindihan ko ang pang-gobyerno kag ang kultura naton bilang pungsud nga may demokrasya.

Ang mga importante nga natun-an ko growing up and studying abroad, pati na ang pag-trabaho sa corporate world, kag sa entertainment industry have made me a different person far from what others were thinking about me.

Today, I offer myself with full knowledge; kon ano ang tanan nga responsibilidad nga nagahulat sa akon bilang inyo nga Mayor.

Madamu sa aton ang wala nakabalo nga during the time of the pandemic, I was able to reflect.

I realized my purpose in life.

Gusto ko magbulig sa mga tawo nga nakita ko nagakinahanglan sang bulig. I want to help others even in a small way, to alleviate their suffering.

Today, I know nga ang ina nga handum malapit nalang matabo.

Salamat sa opportunity nga ginhatag n’yo nga matuman ang handum ko nga makabulig.

Before I was even elected, I already felt how it was like to be a public servant.

Para sa akon, may lain nga kasadya sa balatyagon kon makita mo nga may nalipay sa imo ginahimu nga pagbulig, gamay man ukon daku.

After the election, you gave me such mandate, to be the youngest mayor ever in Victorias City.

Halungan ko gid ang inyo pagsalig sa akon, I won’t let you down. My youth will be my strength rather than my weakness.

Ini ang labing una nga pagsumpa ko sa bisan ano man nga responsibilidad sa mga pumuluyo, kag importante ini nga pagsumpa para sa akon, bangud sa inyo nga mga kasimanwa ko sa Victorias ko ini himuon.

Subong nga adlaw, nagasaulog kita sang kadalag-an.

Kadalag-an indi lang sang isa ka partido, ukon kadalag-an sang isa lang ka tawo, kondi kadalag-an ini sang isa ka kawsa.

Bangud subong nga adlaw, ginasaulog naton ang kadalag-an sang kawsa nga magadala sang Masanag nga Buas Damlag sa Victorias.

Sang nagligad nga mga binulan sang kampanya nabatyagan ko gid ang matu-od nga ginabatyag sang mga Victoriahanon.

Sa tion sang kampanya nakilala ko ang mga Victoriahanon nga ginahandum ko nga serbisyohan.

Mas nakita ko kag nabatian gikan mismo sa ila kon ano ang ila nga ginalauman nga pang-serbisyo sang ila lokal nga gobyerno.

Mas nasaksihan ko ang sitwasyon sang aton mga Victoriahanon nga nagakinahanglan sang bulig sang aton ciudad.

Kag bangud sang aton personal nga paglibut sang kampanya, mas nakilala ko kon ano ka baskog ang pagtoo sang Victoriahanon nga bisan madamu sang kabudlayan nga ila na-agyan, nagapati gihapon nga malampuwasan ang tanan.

Amo ina kon nga-a ang Victorias simbolo sang kadalag-an.

Sa inyo tanan nga nakaupod kag nakilala ko sadtong tion sang kampanya, madamu gid nga salamat.

Salamat sa inyo natudlo nga mga leksyon kon paano dapat naton tatapon ang mga Victoriahanon.

Kag ginapasalig ko sa inyo tanan, nga ang tanan nga nakita kag nabatian ko nga mga leksyon nga makabulig sa akon pagdumala sang aton ciudad, magapabilin sa akon hunahuna kag balatyagon.

Sa pagdumala naton sang Victorias, magapabilin bilang top priority naton ang 6-point agenda nga aton ginduso sang kampanya.

Hatagan naton sang prioridad ang isa ka Dignified Human Settlement kon sa diin masarangan sang ordinaryo nga Victoriahanon, pero puluy-an nga sarang niya mapabugal.

Isa ka settlement nga magahatag sa iya sang hilway sa katalagman nga palibut, may basic services pareho sang suga kag tubig, kag may kalinong.

Mangin importante man sa aton nga mangin handa kita sa tion sang kalamidad.

Amo nga aton hatagan sang importancia nga mangin disaster resilient ang aton mga barangay kag pumuluyo, kag ang aton ciudad handa nga makahatag sang bulig sa tion sang emerhencia.

Pasanyogon man naton ang lokal nga ekonomiya paagi sa pagbukas sang mga alternatibo nga palangabuhian. Mas kinahanglan naton ini subong, nga amat-amat pa lang nga nagabalik ang aton ekonomiya sa pre-pandemic state.

Nagapati man ‘ko nga ang aton pagpadalagan sang mga serbisyo sang ciudad dapat madasig, real-time, responsive sa kinahanglan sang tawo while nagapabilin nga transparent sa tanan.

Prioridad man naton ang edukasyon sang mga kabataan sang Victorias.

Ini ang nakita naton nga pinaka-epektibo nga long-term investment para sa masanag nga Buas Damlag sang aton ciudad.

Kag ang pinakamalapit sa akon balatyagon, ang ikaayong lawas sang mga Victoriahanon.

Ang healthy nga pumuluyo, sinyales sang may pag-ulikid nga gobyerno.

Bangud pareho sang Nanay kag iya anak, ang gobyerno pareho man sini sa iya pumuluyo, ginatatap niya ini agud mangin mapagsik, wala sang balatian, kag hilway sa katalagman.

Nagapati ako nga mahimu naton ini tanan.

Masarangan ini ihatag sang Ciudad sang Victorias sa iya nga mga pumuluyo.
Kag ina ang aton nga siguradohon nga matabu.

Ang istorya sang kadalag-an sang sini nga administrasyon wala nasandig sa tingog sang pila lang ka tawo, kondi sa tingog sang nagahugpong nga pumuluyo sang Victorias!

Updi ninyo kami nga matuman ini tanan.

Buligan naton nga i-upgrade pa ang Victorias.

Pareho sang tanan nga nagakinahanglan sang upgrading, madamu kita sang dapat bag-ohon.

Kon kita mga nagatrabaho sa aton ciudad, bag-ohon naton ang aton daan kag indi manami nga pamaagi sang aton pagserbisyo.

Bag-ohon naton ang aton pagtulok sa aton mga katungdanan sa gobyerno – bangud ini nga katungdanan indi lamang gahum ukon poder nga aton pwede maabusaran.

Kondi ini kahigayunan nga gintugyan sa aton sang pumuluyo agud himuon ang kaayohan – ang kaayohan para sa kadam-an kag sa nagakinahanglan, kag indi para sa aton kaugalingon lang.

Kon kita pribado nga negosyante, buligan naton ang aton ciudad pinaagi sa pagbayad sang aton mga obligasyon kag taxes.

Kon kita mga barangay officials, himuon naton ang aton bahin agud mahatag ang mga basic services nga ginakinahanglan sang aton mga pumuluyo.

Ang tanan nga may parte sa aton pang-gobyerno dapat nga maghimu sang ila bahin.
Simple logic lang ini: Ang tanan nga indi maayo, aton bag-ohon, ang tanan nga mapuslanon, padayunon.

Pero aton man dapat nga ibalik – ang pagsalig sang pumuluyo sa ila mga lider, halin sa barangay nga level asta sa City Hall.

Bangud ini tanan related sa trust and confidence.

Kon wala ini, mabudlay matuman bisan ang pinakagamay nga handum para sa pumuluyo.

Aton ibalik ang paglaum nga nasandig sa mga panaad nga nagakatuman.
Kapoy na ang mga pumuluyo sang Victorias sa pasalig lang.

Subong nga adlaw, at this time and place, let us start afresh.

Hatagan naton sang tsansa nga mapasanyog pa ang aton ciudad.

Gani gina-agda ko kamo tanan nga mga Victoriahanon, sumugod sini nga tion – aton suguran nga buksan sa aton mga balatyagon, buksan naton sa aton tagsa ka mga panimalay, sa aton tagsa ka mga trabaho kag negosyo – ang pagsidlak sang paglaum para sa masanag nga Buas Damlag.

Gina-ako ko nga indi lang ako ang nakahibalo sang tanan nga solusyon sa aton mga gina-atubang nga mga problema sa Ciudad sang Victorias.

Ginakilala ko ang inyo tanan mabulig sa pagsulbar sang mga problema sang aton ciudad.

Bangud sini, bukas ang aton talatapan bilang mayor sa inyo mga suhistyon agud nga mas mapabakod pa gid naton ang pag-serbisyo sang aton ciudad sa tanan nga Victoriahanon.

Importante sa akon ang inyo pagsalig, kag ang akon prinsipyo bilang lider amo ang akon panindugan para sa inyo pagsalig.

I will be fair and just.

I will lead by example.

I will not demand what I will not do myself.

I will set high expectation for each performance as I commit the same for myself.
I will put the right people for the job, bisan ano man ka gamay ukon ka importante ang ini nga trabaho.

Dapat sa nagakabagay nga tawo ang tagsa ka trabaho.

Ang aton mangin pang-gobyerno may balatyagon sa pumuluyo, may paghangup sa kinahanglan sang kadam-an.

Bangud ang pang-gobyerno wala natukod agud pabudlayan ang tawo.
Ang gobyerno dapat may pag-ulikid sa iya ginaserbisyohan nga pumuluyo.

Labaw sa tanan – tawo!

Bangud ang gobyerno para sa tawo.

Ini ang akon ginahandum sa aton Ciudad.

Ang pang-gobyerno nga para sa tagsa ka Victoriahanon.
Pasanyogon naton ang Victorias, pasa sa aton masanag nga Buas Damlag.
Una sa tanan, Victorias!

Lantawa ninyo sa inyo palibut – ini ang mga guya nga naga-simbolo sang aton ciudad.
Ini ang mga guya nga nagaatubang sa kabudlayan kag nagasaulog sa tagsa ka kadalag-an sang Victorias.

Bangud ini ang mga guya sang Victorias…kita tanan ang Victorias, kag sa aton kamut nasandig ang masanag nga Buas Damlag sang aton ciudad.

Madamu nga salamat sa inyo pagpamati.

Sug-alawon naton ang Masanag nga Buas Damlag sang Victorias!