Mayor Javi Benitez Leads Four Groundbreaking Ceremonies in One Morning
Published on November 23, 2022
Ginpangunahan ni Mayor Javi Benitez ang groundbreaking ceremony para sa nagkalain-lain nga mga improvement projects sa Victorias Transport Terminal, Bahay Pag-asa Youth Center, Senior Citizen, kag Sangguniang Kabataan pavilions nga naga-balor tanan sang masobra Php 17 million.
Nag-alokar kita sang Php 1.5 million para sa pagpanami sang transport terminal sang ciudad. May ara man ini dugang nga Php 964,803 nga budget para sa pagpakay-o sang mga terminal comfort rooms.
Ang Victorias magapatindog man sang isa ka multipurpose hall kg basketball court para sa mga kabataan naton sa Bahay Pag-asa Youth Center sa Barangay XIV. Ang ini nga proyekto may yara sang Php 2 million budget appropriation.
Para naman sa mga lolo kag lola sang aton ciudad, ang ciudad sang Victorias naghatag sang Php 7.2 million para sa improvement project sang aton Senior Citizen Pavilion nga yara sa public plaza.
Pagakay-uhon man naton ang SK Pavilion agud mas madamo pa gid nga mga kabataan ang aton ma-akomodar. Naghatag man ang ciudad sang Php 5.8 million para sa renovation project sang sini nga talapatan.
Madamo nga salamat sa aton mga city officials kag project implementers! Padayon ang asenso!
